9 ნოემბერს მეორე კლასის მოსწავლეები ეწვივნენ პოლიგრაფიულ სტამბა "პოლიპრინტს". მოზარდები გაეცნენ ქაღალდის დამუშავების ტექნოლოგიას და დიდი ინტერესით ჩაერთვნენ სახალისო აქტივობაში - დაამზადეს ქაღალდის ქუდები “ევროპული სკოლის“ ლოგოთი.

1-3 ნოემბერს “ევროპული სკოლის“  სამივე პროგრამის მე-10 კლასის მოსწავლეებმა პროექტის ფარგლებში მონაწილეობა მიიღეს ეთნოტურში - “ჩვენი ქალაქის ისტორია“ დათო ტურაშვილთან ერთად.  ექსკურსია ორგანიზებული იყო ქართული ენისა და ლიტერატურის კათედრის მიერ. (პედაგოგები: თამარ ლომიძე, თეკლა ბერაძე, რუსუდან ბრეგაძე და მაია წენგუაშვილი).

9 ნოემბერს “ევროპულ სკოლაში“ ჩატარდა მოსწავლეთა პარლამენტის თავმჯდომარის არჩევნები, რომელშიც სამივე პროგრამის(ქართული პროგრამა, IB და AHS) მოსწავლეებმა მიიღეს მონაწილეობა.

7 ნოემბერს “ევროპული სკოლის“ სააქტო დარბაზში გაიმართა მოსწავლეთა პარლამენტის თავმჯდომარეობის კანდიდატების წინასაარჩევნო დებატები, სადაც ხუთივე კანდიდატმა გაგვაცნო საკუთარი ხედვები მოსწავლეთა პარლამენტის სამომავლო მუშაობასთან დაკავშირებით.

7 ნოემბერს , სასწავლო თემის “ პროცესები“ დასასრულს PYP-ის მე-5 კლასის მოსწავლეებმა სააქტო დარბაზში მოაწყვეს სამეცნიერო პროექტების გამოფენა. 

3 ნოემბერს ქართული პროგრამის მე-3-4 კლასის მოსწავლეებმა მოაწყვეს "შავი ზღვის საერთაშორისო დღისადმი" მიძღვნილი  გამოფენა.

5 ნოემბერს კუს ტბის მიმდებარე ტერიტორიაზე გაიმართა “ევროპული სკოლის“ მარათონი. მართონი არ იყო უბრალო შეჯიბრი, ის უფრო დღესასწაული იყო თითოეული მონაწილისთვის, ყველაზე ახალგაზრდა თუ ხანდაზმული პედაგოგებისთვის. მარათონის მიზანი იყო სპორტის და ჯანსაღი ცხოვრების წესის წახალისება სკოლის საზოგადოებაში. 3600 მეტრის სიგრძის დისტანციის გარბენში მონაწილეობა მიიღო დაახლოებით 80-მა მასწავლებელმა.

3 ნოემბერს “ევროპულ სკოლასა“ და ბრიტანეთის საბჭოს შორის გაფორმდა თანამშრომლობის ხელშეკრულება ინგლისური ენის სწავლა-სწავლების ბრიტანული მოდელის დანერგვის თაობაზე. საზეიმო ცერემონიალს ესწრებოდა დიდი ბრიტანეთის ელჩი საქართველოში ჯასტინ მაკკენზი სმიტი.

“მწერლები ევროპული ღირებულებებისთვის“ - ასე ეწოდება პროექტს, რომელიც ცნობილი ქართველი მწერლების ლაშა ბუღაძის, რატი ამაღლობელის და დათო ტურაშვილის ჩართულობით და ევროპის ფონდის დაფინანსებით ხორციელდება.