“ევროპულმა სკოლამ“ მონაწილეობა მიიღო პროექტში "მსოფლიოს ყველაზე მასშტაბური გაკვეთილი", რომელიც გაეროს ეგიდით ტარდება და  პარალელურად მიმდინარეობდა მსოფლიოს მრავალი ქვეყნის ათეულ ათას სკოლაში. გაკვეთილი ჩაატარეს გეორაფიისა და ინგლისურის პედაგოგებმა: ალექსანდრე გიორგიძემ და ნანა ცანავამ  8 ა კლასისმოსწავლეებთან.   კენ რობინსონის ინიცირებული და გაეროს ბავშვთა ფონდის მხარდაჭერით დაგეგმილი პროექტი  გულისხმობს გაკვეთილის ჩატარებას, რომელიც  გაერთიანებული ერების ორგანიზაციის მიერ შემუშავებული “მდგრადი განვითარების გლობალური მიზნების“ გაცნობას ემსახურება. "მსოფლიოს ყველაზე მასშტაბური გაკვეთილი“ (The World’s Largest Lesson) – ასე ეწოდა ზემოაღნიშნულ გაკვეთილს. ის  ტარდება  ერთდროულად კონკრეტულ დღეებში მსოფლიოს უამრავი ქვეყნის სხვადასხვა სკოლაში.  გაკვეთილს ესწრებოდა მასწავლებლის პროფესიული განვითარების ეროვნული ცენტრის ექსპერტ-კონსულტანტი ქალბატონი ნონა პოპიაშვილი. გაკვეთილს დიდი გამოხმაურება მოჰყვა და ის აიტვირთება სპეციალურ ვებ გვერდზე.  

"ევროპული სკოლა“  გთავაზობთ AP  კურსებს სხვადასხვა საგანში.   Advanced Placement (AP) – წარმოადგენს უნივერსიტეტებში ჩარიცხვისთვის მოსამზადებელ ერთ–ერთ პროგრამას, რომელიც გამიზნულია მაღალი კლასების მოსწავლეთათვის. Advanced Placement შემუშავებულ იქნა "უმაღლესი სასწავლებლების საბჭოს“ (the College Board) მიერ მეორე მსოფლიო ომის დამთავრების შემდეგ.

“ევროპული სკოლის” ტრენინგ ცენტრი ამერიკის ან ევროპის ამერიკულ უნივერსიტეტებში სწავლის გაგრძელების ყველა მსურველს  გთავაზობთ SAT-ის მოსამზადებელ კურსს მათემატიკასა და ვერბალურ ნაწილში.

28-30 სექტემბერს განათლების საერთაშორისო ექსპერტის, კენ რობინსონის მიერ ინიცირებულ და გაეროს ბავშვთა ფონდის მხარდაჭერით დაგეგმილ პროექტს, რომელიც   გულისხმობს გაკვეთილზე გაერთიანებული ერების ორგანიზაციის მიერ შემუშავებული “მდგრადი განვითარების გლობალური მიზნების“ გაცნობას, შეუერთდა მასწავლებელთა პროფესიული განვითარების ეროვნული ცენტრი.  აღნიშნული პროექტის ფარგლებში  გაკვეთილი ჩატარდა საქართველოს 30-მდე სკოლაში, მათ შორის "ევროპულ სკოლაში.“   გაკვეთილი ჩატარდა მერვე კლასის მოსწავლეთათვის. პროექტის საერთაშორისო ხასიათიდან გამომდინარე ის წარიმართა ინგლისურ ენაზე. გაკვეთილს უძღვებოდნენ გეოგრაფიის მასწავლებელი ალექსანდრე გიორგიძე და ინგლისური ენის მასწავლებლები ნანა ცანავა და ეკა ჟღენტი. მოსწავლეებმა იმსჯელეს მსოფლიოში არსებული გლობალური პრობლემებსა და მათი გადაჭრის გზებზე.

ხვალ, 1 ოქტომბერს, მოხუცთა საერთაშორისო დღესთან დაკავშირებით "ევროპულ სკოლაში“ წითელ ჯვართან ერთად მოეწყობა გამოფენა-გაყიდვა. შემოსული თანხით დავეხმარებით ვარკეთილში მდებარე მოხუცთა სახლს. გთხოვთ, აქტიური მონაწილეობა მიიღოთ აღნიშნულ ღონისძიებაში.

"ევროპულ სკოლაში“ დაიწყო ივერი ჭელიძის სახელობის ფეხბურთის ტურნირი. თამაშების შედეგები იხილეთ ვრცლად... 

  2015 წლის 18-19 სექტემბერს სადიპლომო პროგრამის მე-11 კლასის მოსწავლეები გასვლითი ტრენინგის ფარგლებში იმყოფებოდნენ ბაკურიანში.   ტრენინგის მიზანი იყო, მოსწავლეები გაცნობოდნენ სადიპლომო პროგრამის მთავარ კომპონენტებს და  წარმოედგინათ თავიანთი CAS პროექტების იდეები .   მოსწავლეებს ჩაუტარდათ საორიენტაციო სესიები შემდეგ საკითხებზე- სადიპლომო პროგრამა , TOK-ცოდნის თეორია, EE- სადიპლომო ნაშრომი , აკადემიური კეთილსინდისიერება, საუნივერსიტეტო გზამკვლევი, CAS-ის პირველი ინტერვიუ.   სესიების განმავლობაში მოსწავლეებს ჰქონდათ შესაძლებლ;ობა, დაესვათ კითხვები კოორდინატორისთვის,  ჩართულიყვნენ  დისკუსიაში და მიეღოთ პასუხი მათთვის საინტერესო ნებისმიერ კითხვაზე.