კომპოსტი ეს არის საუკეთესო ორგანული სასუქი, რომელიც მდიდარია სხვადასხვა ორგანული…

8 დეკემბერს “ევროპული სკოლის“ სააქტო დარბაზში “თექის კლუბის“ მოსწავლეთა საშობაო გამოფენა გაიმართა. გამოფენაზე წარმოდგენილი იყო ხელნაკეთი, ქართული მატყლით დამზადებული საახალწლო ნამუშევრები: საშობაო სახლები, ნაძვისხის სათამაშობი და სხვ. სპეციალურად ამ გამოფენისთვის FabLab-თან თანამშრომლობით, ლაზერული ჭრის მანქანით დამზადდა ხის სახლები, რომელიც თექის მასალით გაფორმა. ბავშვებმა  ხის და თექის ნამუშევრებს დაამაგრეს იარლიყი ,,დამზადებულია ევროპულ სკოლაში“. 

6, 7 და 12 დეკემბერს “ევროპულ სკოლაში“ გაიმართა ქართული პროგრამის საბაზო და საშუალო საფეხურის მოსწავლეთა ასამბლეები, რომელთა მიზანი იყო “მწვანე“ წლის თემაზე შექმნილი პროექტების, მოსწავლეთა მიღწევების, კვლევითი თუ შემოქმედითი უნარების წარმოჩენა. ლიტერატურის, ინგლისური ენის, მათემატიკის, ისტორიისა და ბიოლოგიის საგნობრივი პროეტები, მუსიკალური და ქორეოგრაფიული ნომრები, საზეიმო დაჯილდოება, პოეზიის წუთები შინანაარსიან საგანმანათლებლო გარემოს და ამაღლებულ განწყობას ქმნიდა ასამბლეების მსვლელობისას.

TEDxIBEuropeanSchool-მა ახალ სახეებს, ახალ იდეებს, მოუყარა თავი სცენაზე. გამორჩეული ხედვების მქონე მოწვეულმა სპიკერმა თავისი ცხოვრების ეკომეგობრული თავგადასავლები გაუზიარა აუდიტორიას, მოსწავლეთა დამაფიქრებელმა გამოსვლებმა მსმენელებს განსხვავებული რაკურსით დაანახა საკითხები ტექნოლოგიების, ბუნების, მუსიკის, კოსმოსის, განათლებისა თუ სხვა სფეროებიდან.

“ტიფლისი 2023“ ევროპის ახალგაზრდული პარლამენტი - საქართველოს მიერ ორგანიზებული საერთაშორისო ფორუმი 17-21 ნომბერს გაიმართა. მასში 20 ქვეყნის 140- მა დელეგატმა მიიღო მონაწილეობა და ერთად იზეიმა საქართველოს ახალგაზრდა ევროპელების 15 წლიანი ისტორიის მქონე ერთობა.

“სტრატეგიული კომუნიკაციების ცენტრი - საქართველომ” საგანმანთლებლო დაწესებულებებისთვის ახალ პროექტი «მედეგობა დეზინფორმაციის წინააღმდეგ» დაიწყო. პროექტის ფარგლებში პირველი შეხვედრა ევროპულ სკოლაში გაიმართა. შეხვედრას მე-8, მე-9 და მე-10 კლასის 40 მდე მოსწავლე დაესწრო. ახალგაზრდებთან შეხვედრას “სტრატეგიული კომუნიკაციების ცენტრი - საქართველოს“ აღმასრულებელი დირექტორი, ერეკლე შუბითიძე გაუძღვა.

თანამშრომელთა კეთილდღეობა “ევროპულ სკოლაში“ ერთ-ერთი პრიორიტეტული საკითხია. ადამიანური რესურსების მართვის სამსახურმა, კომპანიის ეთოსის შესაფასებლად და ორგანიზაციული კულტურის გასაანალიზებლად, სკოლაში მოიწვია განათლების სპეციალისტი, ტრენერ-კონსულტანტი და ქოუჩი პაატა პაპავა. მოწვეულ სტუმართან თანამშრომელთა შეხვედრამ, რომელიც ორგანიზაციული თოქ შოუს ფორმატში გაიმართა, შეხვედრის მონაწილეებს მისცა შესაძლებლობა, დაფიქრებულიყვნენ იმაზე, თუ რა როლი აქვს პოზიტიურ კომუნიკაციას სასკოლო კულტურაში და როგორ უნდა მოხდეს ამ უკანასკნელის გაძლიერება.

ნოემბრის დასაწყისში ევრობულ საბავშვო ბაღში გვქონდა პრეზენტაცია თემაზე ,,ვინ ვარ მე“. ბავშვებმა სიხარულით წარუდგინეს თავიანთი ნამუშევრები ოჯახის წევრებს და ისაუბრეს განვლილი თემის შესახებ.

დღეს “ევროპულ სკოლაში“ შემოდგომის ფესტივალი გაიმართა. ღონისძიებაზე, რომელიც მოსწავლეთა პარლამენტის თავმჯდომარის ინიციატივით ჩატარდა, მონაწილეები შემოდგომის ფერებში გამოეწყვნენ, შემოდგომის თემაზე შექმნილი დეკორაციები გამოჰფინეს, მონაწილეობა მიიღეს ხილის კალათების კონკურსში, სახის მოხატვასა და თუ ტკბილეულის გამოფენა-გაყიდვაში. შემოსული თანხით მოზარდები დაეხმარებიან კამპანიას “ერთად აჩისთვის“.