21 ოქტომბერს “ევროპული სკოლის“ საზოგადოებას პოპულარულმა მწერალმა გიორგი კეკელიძემ საშაბათო სკოლა წარუდგინა. იგი არაფორმალური განათლების მნიშვნელობაზე ესაუბრა დამსწრეებს და სპეციალურად ამ დღისთვის ჩაწერილი, ცნობილი ენათმეცნიერის მზექალა შანიძის თემატური ვიდეო გაუზიარა.

“ევროპულ სკოლაში“ სურსათის მსოფლიო დღის აღსანიშნავად გასტრონომიული ფესტივალი მოეწყო, სადაც მშობლებმა 17 ქვეყანის განსხვავებული სამზარეულო წარადგინეს. ფესტივალის მულტიკულტურული გარემო კიდევ უფრო გაამდიდრა ქვეყნების სიმბოლოებმა, თემატურმა სუვენირებმა და ტრადიციულმა სამოსმა.

ხელების დაბანის მსოფლიო დღეს “ევროპულ სკოლაში“, ჰიგიენის დაცვის არსის გასაცნობიერებლად, მოზარდებისთვის მრავალფეროვანი ღონისძიებები დაიგეგმა. სკოლის ექიმები ბავშვებს ესაუბრნენ თითქოსდა უმარტივესი ქმედების, საპნით ხელების დაბანის მნიშვნელობაზე. ამ ღონისძიებას სახალისო მომენტებიც ახლდა. საღებავების გამოყენებით ხელების დაბანის წესების გაცნობა სასიამოვნო და დაუვიწყარ პროცესად იქცა.

“ევროპული სკოლის“ მოსწავლეებისთვის  კლუბების წარდგენა შთამბეჭდავ და მრავალფეროვან  გამოფენაზე მოეწყო. რობოტების შოუზე დასწრებით, ზუმბას მასტერკლასში ჩართვით თუ კლუბების სტენდების გაცნობით, ყველანაირი ინტერესის დაკმაყოფილებას შეძლებდა დამთვალიერებელი. 

23 სექტემბერს “ევროპული სკოლის” საუნივერსიტეტო ორიენტაციისა და კარიერის დაგეგმვის სამსახურმა (UCCO) უმასპინძლა ჰანა მენდლოვიცს იელის უნივერსიტეტის საბაკალავრო ჩარიცხვების სამსახურიდან. ჩვენი მოსწავლეებისთვის ჰანასთან შეხვედრა იყო შესაძლებლობა, მიეღოთ ინფორმაცია იელის ჰოლისტური მიღების პროცესის, საგანმანათლებლო პროგრამებისა და დინამიური სტუდენტური ცხოვრების შესახებ.

6 ივლისს “ევროპული სკოლა“ ამერიკის საელჩოს მიერ დამოუკიდებლობის დღის აღსანიშნავად გამართულ პიკნიკს დაესწრო. ღონისძიებაზე ამერიკული ტრადიციები გაცოცხლდა, წარმოდგენილი იყო პოპულარული ამერიკული კერძები და მუსიკა.

“ევროპული სკოლა“, პროექტით “მწვანე წელი“, “საქართველოს პასუხისმგებელი ბიზნესის კონკურსი - Meliora 2024”-ის ფინალისტი გახდა კატეგორიაში “მწვანე ინიციატივა“!

შემოგვიერთდით, ვიმოგზაუროთ “ევროპული ბაღის“ აღსაზრდელებთან ერთად მსოფლიოს ირგვლივ! პატარებთან ერთად გამოსაშვებ ღონისძიებაზე ყველა კონტინენტს მოვინახულებთ, განსხვავებულ კულტურათა გაცნობის შესაძლებლობა მოგვეცემა, ნაციონალური ცეკვებისა და სიმღერების დინამიურ რითმებს შევიგრძნობთ.

“ევროპული სკოლის“ თანამედროვე ცეკვების ანსამბლმა ,,ევროპელები“  სკოლის სცენაზე გრანდიოზული, შემაჯამებელი კონცერტი გამართეს, სადაც მაყურებლის წინაშე წარადგინეს მთელი წლის განამვლობაში მომზადებული სახალისო ცეკვები. კონცერტს თეატრალიზებული წარმოდგენის სახე ჰქონდა და მაყურებელის დიდი მოწონება დაიმსახურა.