13 ნოემებერს  “ევროპულ სკოლაში“ გაიმართა ბავშვთა უფლებათა დაცვის ვორქშოპი ქარტული პროგრამის მასწავლებლებისთვის. ვორქშოპს უძღვებოდა “ევროპული სკოლის“ ბავშვთა უფლებების დაცვის ოფიცერი ელისო ჭელიშვილი. ვორქშოპის შემდგომ შედგა დისკუსია სპიკერსა და მასწავლებლებს შორის.

ქართული პროგრამის დაწყებით საფეხურზე სპორტის კვირეული ჩატარდა, სადაც მოზარდებმა მხიარულ სტარტებსა და საფეხბურთო მატჩებში მიიღეს მონაწილეობა. მეგობრულ მეტოქეობას თუ თანაგუნდელთა გამხნევებას დიდი ხალისი და ბედნიერი განწყობა ახლდა.

ქართული პროგრამის მოსწავლეთა ინიციატივით “ევროპულ სკოლაში“ უკვე მეორედ ჩატარდა თამაში “ნაბიჯ-ნაბიჯ ევროპისკენ“, რომელიც მსგავსია პოპულარული თამაშისა “რა? სად? როდის?“და მიზნად ისახავს მოსწავლეებში ევროკავშირის წევრი ქვეყნების მდიდარი ისტორიის, კულტურისა და ტრადიციების შესახებ ცოდნის გაღრმავებას.

კინგსის ოლიმპიადა ყოველწლიურად ტარდება საქართველოში მათემატიკაში, ქართულსა და ინგლისურ ენაში. აღნიშნული საგანმანათლებლო ინიციატივა მიზნად ისახავას მოსწავლეთა აკადემიური განვითარების ხელშეწყობასა და წახალისებას. ჩვენი სკოლის მოსწავლეები რეგულარულად მონაწილეობენ ოლიმპიადაში. დაწყებითი საფეხურის მოზარდებმა წელსაც მოიპოვეს წარმატება და სერტიფიკატებით დაჯილდოვდნენ. ვულოცავთ ჩვენს მოსწავლეებს ამ მნიშვნელოვან გამარჯვებას!

24 ოქტომბერს, ყოველწლიურად აღინისშნება  გაეროს გაერთიანებული ერების მსოფლიო დღე.  ამ მნიშვნელოვან თარიღთან დაკავშირებით “ევროპულ სკოლაში“ სტუმრად მოვიწვიეთ  თბილისის სახელმწიფო უნივერსიტეტის პროფესორი გიორგი მელაძე, რომელმაც ქართული პროგრამის 9-12 კლასის მოსწაველებს ჩაუტარა ლექცია თემაზე “გლობალური დემოგრაფიული პროცესები (წარსული, აწმყო, მომავალი)”.  ლექციის შემდეგ გაიმართა დისკუსია. 

21 ოქტომბერს “ევროპული სკოლის“ საზოგადოებას პოპულარულმა მწერალმა გიორგი კეკელიძემ საშაბათო სკოლა წარუდგინა. იგი არაფორმალური განათლების მნიშვნელობაზე ესაუბრა დამსწრეებს და სპეციალურად ამ დღისთვის ჩაწერილი, ცნობილი ენათმეცნიერის მზექალა შანიძის თემატური ვიდეო გაუზიარა.

“ევროპულ სკოლაში“ სურსათის მსოფლიო დღის აღსანიშნავად გასტრონომიული ფესტივალი მოეწყო, სადაც მშობლებმა 17 ქვეყანის განსხვავებული სამზარეულო წარადგინეს. ფესტივალის მულტიკულტურული გარემო კიდევ უფრო გაამდიდრა ქვეყნების სიმბოლოებმა, თემატურმა სუვენირებმა და ტრადიციულმა სამოსმა.

ხელების დაბანის მსოფლიო დღეს “ევროპულ სკოლაში“, ჰიგიენის დაცვის არსის გასაცნობიერებლად, მოზარდებისთვის მრავალფეროვანი ღონისძიებები დაიგეგმა. სკოლის ექიმები ბავშვებს ესაუბრნენ თითქოსდა უმარტივესი ქმედების, საპნით ხელების დაბანის მნიშვნელობაზე. ამ ღონისძიებას სახალისო მომენტებიც ახლდა. საღებავების გამოყენებით ხელების დაბანის წესების გაცნობა სასიამოვნო და დაუვიწყარ პროცესად იქცა.

“ევროპული სკოლის“ მოსწავლეებისთვის  კლუბების წარდგენა შთამბეჭდავ და მრავალფეროვან  გამოფენაზე მოეწყო. რობოტების შოუზე დასწრებით, ზუმბას მასტერკლასში ჩართვით თუ კლუბების სტენდების გაცნობით, ყველანაირი ინტერესის დაკმაყოფილებას შეძლებდა დამთვალიერებელი.