13 ნოემბერს მე-4 კლასი ესტუმრა სტუდია "ბაბალეს",სადაც მოსწავლეებმა თიხით,პლასტელინით და საღებავებით შექმნეს ნამუშევრები ,რომელშიც გამოხატეს თავიანთი განწყობა,გრძნობები და ემოციები.

15 ნოემბერს “ევროპული სკოლის“ მე-9 და მე-10ა კლასის მოსწავლეები (პედაგოგები: თამარ ცაგარელი, მანანა შეყილაძე, მაია წენგუაშვილი და რუსუდან ბრეგაძე) ეწვივნენ მწერლის სახლს.

16 ნოემბერს “ევროპულ სკოლაში “გაიმართა სკოლის საზოგადოების შეხვედრა სან დიეგოს სახელმწიფო უნივერსიტეტის (SDSU) დეკანთან საქართველოში, დოქტორ კენ უოლშთან, რომელმაც ღონისძიების დამსწრეთ უნივერსიტეტის საბაკალავრო პროგრამები გააცნო; ისაუბრა STEM განათლების უპირატესობასა და პერსპექტივებზე.

“ევროპულ სკოლაში“ დამთავრდა “ივერი ჭელიძის სახელობის საფეხბურთო ტურნირი“. სხვადასხვა ასაკობრივ კატეგორიებში გამარჯვებულები არიან: 6 ბ კლასის, MYP მე-8 კლასის და ქართული პროგრამის მე-12 კლასის მოსწავლეთა გუნდები. ტურნირის ბომბარდირი გახდა მიხეილ კვერნაძე, საუკეთესო მოთამაშე- ნიკა სამუშია, ხოლო საუკეთესო მეკარე- ირაკლი ნებიერიძე. ფინალური მატჩების დასასრულს გაიმართა დაჯილდოების საზეიმო ცერემონიალი.

მოსწავლეები გაეცნენ ექვთიმე თაყაიშვილის , როგორც წმინდანისა და ერის საგანძურის მცველის ისტორიას. ასევე, დაათვალიერეს მის მიერ გადარჩენილი უნიკალური განძის ნაწილი, რომელიც მოიცავდა ისტორიულ, არქეოლოგიურ, ანთროპოლოგიურ, ლიტერატურულ და ეთნოგრაფიულ ექსპონატებს.

მასწავლებელთა პროფესიული განვითარებისა და კარიერული წინსვლის სქემის ფარგლებში “ევროპული სკოლის“ მათემატიკის დეპარტამენტის ხელმძღვანელს, მათემატიკის პედაგოგ პეტრე ბაბილუას მიენიჭა მენტორის წოდება.

9 ნოემბერს მეორე კლასის მოსწავლეები ეწვივნენ პოლიგრაფიულ სტამბა "პოლიპრინტს". მოზარდები გაეცნენ ქაღალდის დამუშავების ტექნოლოგიას და დიდი ინტერესით ჩაერთვნენ სახალისო აქტივობაში - დაამზადეს ქაღალდის ქუდები “ევროპული სკოლის“ ლოგოთი.

1-3 ნოემბერს “ევროპული სკოლის“  სამივე პროგრამის მე-10 კლასის მოსწავლეებმა პროექტის ფარგლებში მონაწილეობა მიიღეს ეთნოტურში - “ჩვენი ქალაქის ისტორია“ დათო ტურაშვილთან ერთად.  ექსკურსია ორგანიზებული იყო ქართული ენისა და ლიტერატურის კათედრის მიერ. (პედაგოგები: თამარ ლომიძე, თეკლა ბერაძე, რუსუდან ბრეგაძე და მაია წენგუაშვილი).

9 ნოემბერს “ევროპულ სკოლაში“ ჩატარდა მოსწავლეთა პარლამენტის თავმჯდომარის არჩევნები, რომელშიც სამივე პროგრამის(ქართული პროგრამა, IB და AHS) მოსწავლეებმა მიიღეს მონაწილეობა.