“ევროპული სკოლის“ დაწყებითი კლასის მოსწავლეებმა წარმატებით იასპარეზეს ჭადრაკის ტურნირში და უმაღლესი შედეგები აჩვენეს. ზამთრის ტურნირში, რომელიც  “ევროპულ სკოლაში“ გაიმართა, მონაწილეობდნენ სხვადასხვა ასაკობრივი კგუფის ძლიერი მოჭადრაკეები, თუმცა მე-3 გ კლასის მოსწავლეები განსაკუთრებული სტრატეგიითა და მონდომებით გამოირჩეოდნენ.

22 დეკემბერს “ევროპული სკოლის“ სცენაზე თანამედროვე ცეკვების  ანსამბლი ,,ევროპელები“ საახალწლო კონცერტით წარსდგნენ მაყორებლის წინაშე. სცენაზე წარმოადგინეს რამდენიმე ჰიპ-ჰოპის ნომერი  და სინქრონში შეასრულეს არტისტულად მშობლებისა და მასწავლებლების წინაშე. 

ქართული პროგრამის წარჩინებულ მოსწავლეებს დავით ბეჟუაშვილის განათლების ფონდის მიერ დაწესებული გრანტი გადაეცათ. მოსწავლეებმა მიმდინარე სასწავლო წლის პირველი სემესტრი უმაღლესი აკადემიური შედეგებით დაასრულეს და კლასგარეშე აქტივობებისა თუ საზოგადოების სამსახურის კუთხით აქტიური ჩართულობა გამოავლინეს.  

ჰარვარდის კონგრესის მოდელირების “ახალგაზრდა გლობალურ ლიდერთა პროგრამა“, რომელსაც “ევროპულმა სკოლამ“ უმასპინძლა - უნიკალური გამოცდილება მოსწავლეებისთვის! სამდღიანი ინტენსიური პროგრამის ფარგლებში 40 ნიჭიერ მოსწავლეს ჰქონდა პრივილეგია ჰარვარდის სტუდენტების მენტორობით ჩაბმულიყვნენ კომუნიკაციის, ორატორობის, ლიდერობის, მოლაპარაკებების წარმოების ვორქშოფებში და შეძენილი უნარები გლობალური პრობლემების გადაჭრის ინოვაციური გზების მოსაფიქრებლად გამოეყენებინათ.

ქართული პროგრამისა და საერთაშორისო ბაკალავრიატის სადიპლომო პროგრამის მოსწავლეებმა სემესტრის შემაჯამებელ ასამბლეებზე საინტერესო პროექტები წარადგინეს ენისა და ლიტერატურის, საზოგადოებრივი მეცნიერებების, საბუნებისმეტყველო მეცნიერებების, ტექნოლოგიებისა და მათემატიკის სფეროში და ცოდნისა და შემოქმედებითობის დემონსტრირება მოახდინეს.

ლიტერატურულ კვირეულს პირველ ნაწილზე არანაკლებ საინტერესო გაგრძელება ჰქონდა, სადაც მრავალფეროვანი ღონისძიებები გაიმართა: წიგნების გამოფენა-გაყიდვა: გამოფენაზე, სადაც რამდენიმე გამომცემლობამ მოიყარა თავი, მოსწავლეებმა აღმოაჩინეს ახალი ავტორები, წიგნები.

საზოგადოების და ქვეყნის განვითარების პროცესში დგება პერიოდები, როდესაც სხვადასხვა სახის…

ასტრიდ ლინდგრენის დაბადების დღისადმი მიძღვნილი ლიტერატურული კვირეულის პირველ ნაწილში რამდენიმე…

ქართული პროგრამის V კლასის მოსწავლეებმა მონაწილეობა მიიღეს ავიაციის შეჯიბრში, რომელიც რობოტიკის სასწავლო პროგრამის ფარგლებში ჩატარდა.  ხელით შექმნილი ქაღალდის თვითმფრინავების შეჯიბრი, დრონების მართვის ტაქტიკების გამოცდა იყო სწავლისა და ინოვაციის სინთეზი.