გარემოს დაცვის მსოფლიო დღე “ევროპულ სკიოლაში“ განსაკუთრებულად აღინიშნა. განახლებადი ენერგიის განვითარებისა და გარემოს დაცვის საკითხებზე ცნობიერების ამაღლების მიზნით, GREDA-მ მე-9, მე-10 და მე-11 კლასის მოსწავლეებთან შეხვედრა გამართა. საქართველოს განახლებადი ენერგიის განვითარების ასოციაციის წარმომადგენლებსა და მოსწავლეებს შორებს საინტერესო დისკუსია გაიმართა. შეხვედრა მიზნად ისახავდა ადამიანთა პასუხისმგებლობის გაცნობიერებას ბუნების მიმართ, გარემოს მდგრადი განვითარებისათვის ხელშეწყობას და გარემოს შენარჩუნებისა და გაუმჯობესებისათვის ბრძოლაში საზოგადოების აქტიურ ჩართვას.

26 მაისიდან 3 ივნისამდე “ევროპულ სკოლაში“ ყოველწლიური მოსწავლეთა სამეცნიერო კონფერენცია  გაიმართა. მოსწავლეებმა საკუთარი კვლევები ენისა და ლიტერატურის, მათემატიკის, ინოვაციური ტექნოლოგიების, საბუნებისმეტყველო მეცნიერებათა, საზოგადოებრივ მეცნიერებათა და  ხელოვნების  მიმართულებით არჩეულ თემებზე წარმოადგინეს.

ყვავილებით მოჩითულ, ფერად-ფერად კაბებში გამოწყობილმა, გვირგვინებით მორთულმა პატარებმა გაალამაზეს “ევროპული სკოლის“ ყვავილების ფესტივალი, რომელმაც სკოლის უმშვენიერეს ბაღში უმასპინძლა გამოფენებს, ვორქშოფებს, მოსწავლეთა კონცერტს. ყვავილების ფესტივალი მოსწავლეთა შემოქმედებითობის ნამდვილი ზეიმი იყო.

6 ივნისს “ევროპულ სკოლაში“ ქართული პროგრამის მე-12 კლასელების გამოსაშვები საღამო გაიმართა. კურსდამთავრებულებს სკოლის დამთავრება მიულოცა და კეთილი სურვილები უსურვა “ევროპული სკოლის“ დირექტორმა სოფიო ბაზაძემ. წარჩინების სერტიფიკატები და “ევროპული სკოლის“ მედლები გადაეცათ: ნუგზარ შოშიაშვილს, ანა დიასამიძეს, ნიკოლოზ წულაიას, გვანცა ვარშალომიძეს და დავით მაისურაძეს.

23 მაისს “ევროპული სკოლის“ ქართული პროგრამის მე-7, მე-8 კლასის მოსწავლეებს ბიოლოგიის მეცნიერებათა დოქტორმა ქალბატონმა ბუციკო ჩხარტიშვილმა ლექცია წაუკითხა ძილის მნიშვნელობაზე. მოზარდებმა მიიღეს ინფორმაცია ძილის პათოლოგიების, ძილ-ღვიძილის ციკლის შესახებ და ინტერაქციულ რეჟიმში მოისმინეს პასუხები მათთვის საინტერესო შეკითხვებზე. ლექცია ძალიან საინტერესო აღმოჩნდა.

“ევროპულმა სკოლამ“ საქართველოს დამოუკიდებლობის დღე პატრიოტული მუხტით და ენთუზიაზმით აღნიშნა. ამ დღეს სიამაყის გრძნობა და ბედნიერი გამომეტყველება ყველას, დიდის თუ პატარის, მასწავლებლის თუ მოსწავლის, სახეზე შეიმჩნეოდა. დღე მოსწავლეთა საზეიმო მსვლელობით, დროშების ჩამოტარებით დაიწყო, რასაც მოჰყვა ეროვნულ სამოსში გამოწყობილი პატარების გამოჩენა წითელ ხალიჩაზე. საქართველოს ძველი და თანამედროვე დროშების აღმართვის ცერემონიის შემდეგ ზეიმი სკოლის დარბაზში გაგრძელდა, სადაც მოსწავლეებს ისტორიის მასწავლებელმა მაია წენგუაშვილი-მა მიმართა ამაღელვებელი, პატრიოტული განწყობით. მოსწავლეებმა პატივი მიაგეს საქართველოს ეროვნულ გმირებს, რომელთა ფოტოებიც მაისურებზე გამოისახეს.

26 მაისი, საქართველოს დამოუკიდებლობის დღე ავღნიშნეთ ევროპულ საბავშვო ბაღში. პატარებმა თავიანთი ხელით დაამზადეს საქართველოს დროშები. გააფერადეს საქართველოს რუკა და მოუსმინეს საქართველოს ჰიმნს. ბაღის ეზოში გადავიღეთ სამახსოვრო ფოტოები.

“ევროპული სკოლის“ ექიმის ინიციატივით “ავერსის“ კლინიკასთან თანამშრომლობით  რეგულარული პრევენციული ღონისძიება "მოსწავლეთა ფსიქიკური ჯანმრთელობა"  ჩატარდა.  ღონისძიების ფარგლებში დაწყებითი საფეხურის მოსწავლეების ჯანმრთელობის ხელშეწყობის მიზნით პრევენციული შემოწმება გაიმართა, რომლის მიზანი  მხედველობის და საყრდენ-მამოძრავებელი სისტემების პათოლოგიების ადრეული დიაგნოსტიკაა.

20 მაისს “ევროპულ სკოლას“ეწვია გერმანიის ფედერაციული რესპუბლიკის ელჩი საქართველოში ჰუბერტ კნირში, რომელიც დაესწრო საქართველო-გერმანიის დიპლომატიური ურთიერთობის 30 წლისთავისადმი მიძღვნილ ღონისძიებას “იმედი“. ღონისძიებას ასევე ესწრებოდნენ ოფიციალური სტუმრები: ქალბატონი ევა კნირში, პროფესორი ნინო აბრალავა, ბატონი ჰარალდ ჰორნუნგ.